काठमाडौं । बझाङको केदारस्यूँ गाउँपालिका–७ स्थित सुङगरे क्षेत्रमा भएको जीप दुर्घटनामा परी तीन जनाको घटनास्थलमै मृत्यु भएको छ । दुर्घटनामा अन्य पाँच जना घाइते भएका छन् ।
सडकबाट अनियन्त्रित भई जीप करिब ३०० मिटर तल खसरे दुर्घटना भएको हो । भौगोलिक विकटताका कारण घटनास्थलमा हेलिकप्टर पठाइएको छ ।
घटनाको विस्तृत विवरण र मृतकहरूको पहिचान खुल्न बाँकी छ ।
दुर्घटनाको कारणबारे प्रहरीले अनुसन्धान सुरु गरिसकेको छ।
