काठमाडाैँ । नेपाल भाषाका जनकवि दुर्गालाल श्रेष्ठको निधन भएको छ । गएराति ९३ वर्षको उमेरमा श्रेष्ठको बुढानीलकण्ठस्थित घरमै निधन भएको हाे ।
पछिल्लो ६ दशकदेखि लगातार साहित्य सिर्जनामा लागेका श्रेष्ठले नेपाल भाषासहित नेपालीमा पनि कविता, गीतसहित अन्य विधामा पनि कलम चलाएका छन् ।
नेपाल भाषा परिषद्बाट दुई दशक अगाडि जनकविको उपाधिबाट सम्मानित श्रेष्ठले नेपाल भाषासहित नेपालीमा पनि कविता, गीतसहित अन्य विधामा पनि कलम चलाएका छन् । नेपाल भाषामा उनका एक दर्जनभन्दा धेरै कृति प्रकाशित छन् । उनलाई २०१० मा जगदम्बा श्री पुरस्कार प्रदान गरिएको थियो ।
श्रेष्ठको जन्म सन् १९३५ (१९९२) मा काठमाडौंमा भएको थियो । उनले पद्मोदय माध्यमिक विद्यालयबाट विद्यालय तहको शिक्षा हासिल गरेका थिए । उनले सन् १९४९ मा आफ्नो लेखन करियर सुरु गरेका थिए । उनको पहिलो कविता दुइ थोपा सन् १९५२ मा सुस्केरा पत्रिकामा प्रकाशित भएको थियो ।
उनी नरोत्तमदास–इन्दिरा पुरस्कार, अभियान पुरस्कार, नूर–गंगा पुरस्कार, राष्ट्रिय बालसाहित्य पुरस्कार, जेएए सर्वश्रेष्ठ नाटककार पदक (१९९१), हरिहर शास्त्री–सावित्री देवी साहित्य पुरस्कार (२००६) आदि जस्ता धेरै पुरस्कारबाट पुरस्कृत भएका थिए । उनी सन् १९९५ मा नेपाल प्रज्ञा–प्रतिष्ठानको मानार्थ सदस्यमा पनि नियुक्त भएका थिए ।
पञ्चायती व्यवस्थाविरुद्धको जनआन्दोलन र नेपालमा बहुदलीय प्रजातन्त्र ल्याउने लडाइलाई नाटकीय रूपमा प्रस्तुत गर्ने चलचित्र बलिदानका लागि उनले केही गीत पनि लेखेका थिए ।
उनका प्रकाशित प्रसिद्ध कृतिहरू
पिजा (१९६७)
जी स्वयम्भू त्वथ (१९८६)
याका फलेचा (१९८७)
इन्क्लाब्य पलासा (१९९१)
ट्विस्ट र टर्न
दुर्गालाल श्रेष्ठका कविताहरू (२०००)
चिनियाम्हा किसिचा (१९६५)
तैभाबा (१९६६)
चिनिया चम्पा (१९६७)
कुलिकासा (१९६७)
सालछ्योन्या बेला (१९६९)
माछाबखाँचा (१९९५)
सन्ताया कुसा (२००१)
माछा बखाँचा
टपाका
जंगल कविता
