काभ्रे । पाँचखाल नगरपालिका वडा नं ९ मा रहेको प्रसिद्ध मन्दिर पलाञ्चोक भगवतीमा साँडे बोका नछोड्न वडा कार्यालयले अनुराेध गरेकाे छ । एक सूचना जारी गर्दै वडा नं ९ काे कार्यालयले देशका विभिन्न क्षेत्रबाट बोकाहरु ल्याइ छाडिएको साँडे बोकाहरुमा पिपिआर लगायत अन्य सरुवा रोग देखापरेको हुँदा स्थानीय अन्य घरपालुवा बाख्राहरुमा पनि रोग सर्ने जोखिम रहेको कारण साँडे तथा बोकाहरु नछाेड्न अनुराेध गरेकाे हाे ।
पलाञ्चोक भगवतीमा मन्दिरमा भक्तजनहरुले साँडे बोका छाडा रुपमा छोड्ने प्रचलन रहेको छ । साथै पलाञ्चोक मन्दिर वरीपरिका पशुधनी महानुभावहरुको बाखामा पनि पिपिआरको लक्षण देखा परेमा नगरपालिकाको पशुपन्छी शाखा वा वडा कार्यालमा सम्पर्क गर्नु हुन अनुरोध गरेकाे छ ।
