भक्तपुर । चाँगुनारायण नगरपालिकाले नगरकोट भ्रमण वर्ष २०८२लाई भव्य रुपमा मनाउनका लागि धिमे बाजा प्रतियोगिता आयोजा गर्ने भएको छ । नगरपालिकाले चाँगुनारायणको पर्यटन प्रवर्द्धनमा सहयोग पुर्याउने उद्देश्यले धिमे बाजा प्रतियोगिता आयोजना गर्न लागिएको चाँगुनारायण नगरपालिकाले जनाएको छ ।
नगरपालिकाले आगामी २०८१ पुस २० गते शनिबारका दिन बागमती प्रदेशस्तरीय धिमे बाजा प्रतियोगिता आयोजना गर्न लागेको चाँगुनारायण नगरपालिकाले जनाएको छ । नगरपालिकाका प्रमुख जीवन खत्रीले स्थानीय कला र सँस्कृतिलाई प्रबद्र्धन गर्ने उद्देश्यले धिमे बाजा प्रतियोगिता आयोजना गर्न लागिएको बताए । उनले नगरपालिकाले विकास निर्माण र सेवा प्रवाहका साथै कला सँस्कृतिलाई पनि उच्च प्राथमिकता दिँदै आएकाले स्थानीय धिमे बजा प्रतियोगिता आयोजना गर्न लागिएको स्पष्ट पारे ।
प्रमुख खत्रीले प्रतियोगितामा सक्रिय सहभागिता जनाउन पनि सबैमा आग्रह गर्नुभयो । प्रतियोगिता चाँगुनारायण नगरपालिका वडा नं ९, ताथलीको वडा कार्यालयसँगै आयोजना गरिनेछ ।
