काठमाडौं । आउँदै गरेको विजया दशमी तथा शुभ दीपावलीको अवसर पारेर ‘रुमालै छ चिनो’ नामको गीत बजारमा आएको छ । सो गीतमा गायक रेशम थापा र गायिका गीतादेवी थापाको आवाजमा सजिएको छ ।
विदेशिएका पारिवारिक सदस्य आफ्नो परिवारसँग चाडपर्व मनाउन आउन नपाउँदाको विषयलाई मर्मश्पर्शी ढंगले ‘रुमालै छ चिनो’ गीतको भिडियो निर्माण गरेर रेशम थापा नामक युट्युब च्यानलबाट सार्वजनिक भएको हो ।
गायक रेशम थापाकै शब्द तथा संगीतमा गीतको भिडियो आएको हो । युट्युबमा सार्वजनिक उक्त भिडियोलाई निर्देशक निरेन श्रेष्ठले निर्देशन गरेका हुन् ।
भिडियोमा दिपेन्द्र सोनाम, मिसपवि, पवित्रा साहनकी र नवीन कुमार पुरीको अभिनय देख्न सकिन्छ । त्यसै गरी चक्रबहादुर बरालको छायांकन र विष्णु खड्काको सम्पदन गीतको भिडियोमा रहेको छ ।
